Ordførarkjedet

Ordførarkjedet til Åmli kommune er laga av gullsmed Torunn B. Tveit Ragutzki i 2007. Ho er utflytta Åmlidame. Det var det første ordførarkjedet ho lagde.

Besøk gullsmed Ragutzki på facebook

Gullsmed Torunn B. Ragutzki - Klikk for stort bileteGullsmed Torunn B. Ragutzki

Det var Sparebanken Sør som betalte og donerte ordførarkjedet til Åmli kommune.

Kjedet er laga av sølv med emalje, einerskiver og gull, med symbol på natur, historie, næringsliv og kultur i kommunen.

Nederst på ordførarkjede heng beveren i sølv og blå emalje, opphenget til beveren symboliserar dei tre kommunane, Åmli, Gjøvdal og Tovdal som var eigne kommunar. Dernest kjem ei sekskanta celle på kvar side som symboliserar birøkternæringa i Åmli. Dei kan også symbolisere lampene på Åmfossbrua sett ovanifrå.
Ramma består av sølv mens det inni cella er gull, desse blir gjentatt på heile kjedet.

Motiva på treskivene  gjenspeiler det som er Åmli, gamle tradisjonar, framtida, næring, kunst og natur.

Desse symbola er:

  • Hender - omsorg og dei tre kommunane
  • Tre - skogbruk
  • Plog - jordbruk
  • Sølje - gamle tradisjonar
  • Hardingfele - kulturliv og musikk
  • Åmfossbrua - eit landemerke og eit symbol på elva
  • Sagblad - sagbruk
  • Volleyball - sport og fritid
  • Gevir - jakt og fiske
  • Turbin - eit symbol på at Åmli er ein kraftkommune

Kjedet brukast av ordførar eller varaordførar når dei representerer kommunen. Ved åpning av ulike arrangement eller i andre litt høgtidelege situasjonar.

Ordfører får nytt ordførarkjede 2007 - Klikk for stort bileteOrdførar får nytt ordførarkjede 2007 Agderposten?
Åmli kommune sitt ordførarkjede - Klikk for stort bileteÅmli kommune sitt ordførarkjede Åmli kommune

Reglement for Åmli kommune sitt ordførarkjede (PDF, 8 kB)